ललितपुरको लगनखेलस्थित इन्फोवेज कम्प्युटर सिस्टमले ५ हजार रुपैयाँभन्दा माथिको सामान वा सेवा खरिद गर्ने ग्राहकका लागि हरेक महिना लक्की ड्रमार्फत आकर्षक उपहार प्रदान गर्ने योजना सार्वजनिक गरेको छ।
कम्पनीका अनुसार यो योजना भाद्र १ गतेदेखि हरेक महिना सञ्चालन हुनेछ। योजनाअन्तर्गत ५ हजार रुपैयाँभन्दा माथिको सामान वा सेवा खरिद गर्ने ग्राहकहरू लक्की ड्रमा सहभागी हुन सक्नेछन्।
हरेक महिना लक्की ड्रमार्फत एक जना विजेता छनोट गरी आकर्षक उपहार प्रदान गरिने कम्पनीले जनाएको छ। ग्राहकलाई सामान तथा सेवा खरिदसँगै अतिरिक्त उपहार जित्ने अवसर प्रदान गर्ने उद्देश्यले यो योजना ल्याइएको इन्फोवेज कम्प्युटर सिस्टमले जनाएको छ।
कम्पनीले आगामी महिनाहरूमा पनि लक्की ड्रमार्फत विभिन्न आकर्षक उपहार प्रदान गर्दै जाने जनाएको छ।
विगत १६ वर्षभन्दा बढी समयदेखि कम्प्युटर, ल्यापटप, प्रिन्टरलगायतका उपकरणको बिक्री तथा मर्मत सेवामा अनुभव हासिल गरेको इन्फोवेज कम्प्युटर सिस्टमले यस्ता उपहार कार्यक्रमले ग्राहकलाई थप आकर्षित गर्नुका साथै ग्राहकसँगको सम्बन्ध अझ मजबुत बनाउने विश्वास व्यक्त गरेको छ ।
