समाचार

एनआरएनए विवाद पेचिलो, एकताको महाधिवेशनमा जोड काठमाडौं । गैरआवासीय नेपाली संघ (एनआरएनए)को विवाद समाधानका लागि एकताको महाधिवेशन हुनुपर्नेमा अभियन्ताहरुले जो दिएका छन् । एनआरएनएमा आरके शर्मा र डा.बद्री केसी दुई पक्षबिच विवाद भइरहेको छ । सर्वोच्चले पछिल्लो समय केसी पक्षलाई काम गर्न बाटो खुलेपछि शर्माले सर्वोच्चमा नयाँ रिट दर्ता गराएपछि विवाद थप पेचिलो बन्दै गएको छ । यसअघि दायर भएको रिट सर्वोच्चमा विचाराधीन छ । संघको वार्षिक साधारणसभा तथा एनआरएनए डेको विशेष समारोह काठमाडौंस्थित सोल्टी होटलमा आयोजना गर्ने तयारी भएपछि शर्मा समूहले त्यसलाई रोक्न माग समेत गरेको छ । तर एनआरएनए का संस्थापक अध्यक्ष उपेन्द्र महतोले संघको एकताबद्धता र भविष्यका…

गुलामी व्यापारबाट प्रभावित देशहरूलाई क्षतिपूर्ति नतिर्ने बेलायती प्रधानमन्त्री स्टार्मरको चेतावनी काठमाडौं । बेलायतका प्रधानमन्त्री केयर स्टार्मरले संयुक्त अधिराज्यले आफ्नो इतिहास परिवर्तन गर्न नसक्ने बताउँदै गुलामी व्यापारबाट प्रभावित देशहरूलाई क्षतिपूर्ति नतिर्ने बताएका छन् । बीबीसीसँगको अन्तर्वार्तामा उनले यो कुरा बताएका हुन्, जसमा राष्ट्रमण्डल सरकार प्रमुखहरूले गुलामी व्यापारमा यूकेको ऐतिहासिक भूमिकाका कारण क्षतिपूर्ति तिर्ने विषयमा महत्त्वपूर्ण छलफल गर्ने तयारी गरेको बताइएको छ । केयर अहिले समोआमा राष्ट्रमण्डल देशहरूको बैठकमा सहभागी भइरहेका छन् । उनले गुलामी व्यापारलाई घृणित भनेका छन् र इतिहासको बारेमा कुरा गर्नु महत्त्वपूर्ण रहेको बताए । तर, उनले आजको चुनौतीहरू जस्तै जलवायु परिवर्तनको सामना गर्ने र राष्ट्रमण्डल राष्ट्रहरूबीच व्यापार बढाउनेमा…

रूससँगको युद्धको सम्झनामा रहेको जर्जिया, युरोपतर्फको बाटो खोज्दै काठमाडौं । रुसले युक्रेनमा आक्रमण गर्नुभन्दा केही वर्ष अगाडि, सन् २००८ अगस्टमा पाँच दिने युद्ध सुरु गर्दा जर्जियालीहरूले शत्रुताको सामना गरिसकेका थिए । गोरि शहरमा बम आक्रमण गरिएको थियो भने उत्तरतर्फको शिन्दिसीमा भएको भयानक युद्धले रेलवे स्टेशन ध्वस्त पारिएको थियो । यो युद्धको सम्झनासँगै, हाल जर्जियाको विपक्षी दलहरूले शनिबारको चुनावलाई रूस वा युरोप बीचको छनोटको रूपमा चित्रण गरेका छन् । उनीहरूको उद्देश्य १२ वर्षदेखि सत्तामा रहेको जर्जियन ड्रीम पार्टीलाई सत्ताबाट हटाउनु हो, जसलाई उनीहरूले रूसको प्रभावमा रहेको आरोप लगाएका छन्। विपक्षी गठबन्धनहरूले देशलाई युरोपियन संघको सदस्य बनाउने अडान लिएका छन् । ‘हामीले…

रास्वपाले आजदेखि काठमाडौं केन्द्रीत प्रदर्शन गर्ने काठमाडौं । राष्ट्रिय स्वतन्त्र पार्टी (रास्वपा)ले शुक्रबारदेखि काठमाडौं केन्द्रित आन्दोलन गर्ने भएको छ । पूर्वगृहमन्त्री एवं पार्टी सभापति रवि लामिछाने पक्राउ परेपछि पोखरा केन्द्रित आन्दोलन गर्दै आएको रास्वपाले आजदेखि काठमाडौँमा आन्दोलन गर्ने भएको हो । लामिछानेमाथि अनुसन्धान प्रक्रिया चलिरहँदा गत सात दिनयता रास्वपाले पोखरा केन्द्रित विरोध प्रदर्शनका कार्यक्रम गर्दै आएकोमा शुक्रबारदेखि भने काठमाडौँमा प्रदर्शन गरिने प्रदेश सभापति राजन गौतमले जानकारी दिए ।  आज दिउँसो १ बजे काठमाडौंस्थित माइतीघरमा प्रदर्शन गर्न लागिएको हो । पोखरामा रास्वपाले प्रदर्शन गरेपनि जनस्तरबाट समर्थन नदेखिएको टिप्पणी हुँदै आएको थियो ।  सहकारी ठगी प्रकरणमा अनुसन्धानका लागि गत शुक्रबार प्रहरीले लामिछानेलाई…

xr:d:DAFbpsAE51M:2728,j:2010139329985838071,t:23110302 विद्युत् प्राधिकरणले फेरि काट्यो उद्योगहरूको लाइन काठमाडौं । डेडिकेटेड र ट्रंकलाइन विद्युत् महसुलको विवादमा नेपाल विद्युत् प्राधिकरणले फेरि उद्योगहरूको लाइन काटेको छ । पछिल्लो पटक प्राधिकरणले २४ असोजमा उद्योगहरूलाई विद्युत् महसुल बुझाउनका लागि ८ कात्तिकसम्मको समयसीमा दिएको थियो । तर, उक्त समयमा पनि विद्युत् महसुल नतिरेको भन्दै प्रधिकरणले उद्योगीहरूको लाइन काटेको हो । यसअघि ऊर्जामन्त्री दीपक खड्काले प्राधिकरणलाई उद्योगीहरूको लाइन नकाट्न भनेका थिए । तर, प्राधिकरणले गए राति उद्योगीहरूको लाइन काटिदिएको हो । विद्युत् महसुलसम्बन्धी विवादमा प्राधिकरण र उद्योगीबीच विवाद छ । अर्घाखाँची सिमेन्ट, घोराही सिमेन्ट, सोनापुर सिमेन्ट, जीबी टेक्साइल, घराना फुड, गोयन्का फुड, एसआर फुड, भलबारी स्वचालित चामल…

बंगालको खाडीमा विकसित चक्रवातको आंशिक प्रभाव ः कस्तो रहनेछ आजको मौसम ? काठमाडौं । देशभर पश्चिमी वायुका साथै स्थानीय वायुको पनि आंशिक प्रभाव छ । साथै कोसी प्रदेशमा बंगालको खाडीमा विकसित चक्रवात ’दाना’ को आंशिक प्रभाव समेत रहेको जल तथा मौसम विज्ञान विभागले जनाएको छ । कोसी र लुम्बिनी प्रदेशका पूर्वी भू–भागमा  आंशिकदेखि साधारणतया बदली रही देशका बाँकी भू–भागमा आंशिक बदलीदेखि मौसम मुख्यतया सफा रहेको छ । विभागका अनुसार आज दिउँसो कोसी र लुम्बिनी प्रदेशलगायत देशका पहाडी भू–भागमा आंशिकदेखि साधारणतया बदली रही बाँकी भू–भागमा आंशिक बदलीदेखि मौसम मुख्यतया सफा रहने छ । कोसी र लुम्बिनी प्रदेशलगायत देशका पहाडी भू–भागका एक–दुई…

विपद् व्यवस्थापनमा विश्व बैंकले १५० मिलियन डलर ऋण दिने काठमाडौं । विश्व बैंकद्वारा नेपाल सरकारलाई विपद् व्यवस्थापनका लागि तत्काल सुविधा (क्याट्रोस्ट्रोपि ड्र–डाउन) अन्तर्गत १५० मिलियन अमेरिकी डलर सहुलियतपूर्ण ऋण सहायता प्रदान गर्ने सम्वन्धी सम्झौता भएको छ । विश्व बैंक समूह र अन्तर्राष्ट्रिय मुद्रा कोषको वार्षिक बैठकमा सहभागि भएका उपप्रधानमन्त्री एवम् अर्थमन्त्री विष्णुप्रसाद पौडेलको उपस्थितिमा बिहीबार बैंकको केन्द्रीय कार्यालयमा अर्थ सचिव डा. रामप्रसाद घिमिरे र बैंकका नेपाल, माल्दिभ्स र श्रीलंका हेर्ने कन्ट्रि डाइरेक्टर डेभिड सिस्लनले सहायता परिचालन सम्वन्धि सम्झौता पत्रमा हस्ताक्षर गरेका हुन् । बजेटरी सहायताको रुपमा उपयोग हुने उक्त रकम विपद पुनर्स्थापना, पुनरोत्थान र पुनर्निर्माणमा उपयोग हुनेछ । उपप्रधानमन्त्री एवम्…

इरानमाथिको आक्रमणले विश्वलाई इजरायलको हैसियत देखाउने रक्षामन्त्री गालान्टको दाबी काठमाडौं । इजरायली रक्षा मन्त्री योआव गालान्टले इरानमाथि हुने योजनाबद्ध हवाई आक्रमणले संसारलाई इजरायलको सैन्य शक्तिको  हैसियत देखाउने बताएका छन् । इजरायलले हिजबुल्लाहका नेता हसन नसरल्लाहको हत्या गरेपछि इरानले अक्टोबर १ मा इजरायलमाथि गरेको मिसाइल आक्रमणको जवाफस्वरूप इजरायलले इरानमाथि कडा आक्रमणको तयारी गरेको छ । गालान्टले बुधबार हत्जरिम एयरबेसमा हवाई दलसँग भेटघाट गर्दै, इरानमाथि आक्रमणपछि इजरायल र अरूले इजरायली सेना कस्तो तयारीमा रहेको बुझेका हुने बताएका छन् । उनले एक्समा पनि सैनिकहरूको तयारी र प्रशिक्षणको बारेमा चर्चा गर्दै इजरायललाई नोक्सान पु¥याउने कुनै पनि शत्रुले ठूलो मूल्य चुकाउनुपर्ने चेतावनी दिएका छन् ।…

रवि लामिछानेलाई म्याद थपका लागि आज अदालतमा पेस गरिँदै पोखरा । सहकारीको ठगी प्रकरणमा पक्राउ परेका पूर्वगृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछानेलाई प्रहरीले म्याद थपका लागि आज कास्की जिल्ला अदालतमा पेस गर्दैछ । पहिलो पटक थपिएको ६ दिनको म्याद बुधबारसम्म रहेकोमा बयान नसकिएपछि प्रहरीले आज म्याद थपका लागि अदालतमा पेस गर्न लागेको हो । कास्की प्रहरीका प्रवक्ता प्रहरी नायव उपरीक्षक वसन्तकुमार शर्माले अनुसन्धानको क्रममा प्रमाण जुटाउने, कागजात मगाउने कार्य भइरहेकाले बयान नसकिएको हो । रविसँगै गोरखा मिडिया नेटवर्कमा साझेदार बनेका पूर्वडिआइजी छविलाल जोशीलाई पनि आज म्याद थपका लागि अदालतमा उपस्थित गराइँदैछ । लामिछानेलाई प्रहरीले कात्तिक २ गते…

विश्व पोलियो उन्मुलन दिवसको अवसरमा सचेतनामुलक साइकल ¥याली  काठमाडौं । विश्व पोलियो उन्मुलन दिवसको अवसरमा बिहीबार काठमाडौंमा सचेतनामुलक साइकल र्याली गरिएको छ । रोटरी इन्टरनेशनल डिष्ट्रिक्ट ३२९२ले पोलियो उन्मूलनका लागि जनचेतना फैलाउने उद्देश्यले साइकल र्याली गरेको हो । बिहान ६ः३० बजे ललितपुरको जावलाखेलबाट बृहत् साइकल ¥याली सुरु गरिएको थियो रोटरीले वार्षिक रुपमा अक्टोबर २४ तारिखलाई विश्व पोलियो दिवसका रुपमा मनाउँदै विश्वव्यापी रुपमा जनतेतना फैलाउन विभिन्न गतिविधि गर्दै आइरहेको छ । ०००