ललितपुर–२ मा एमाले उम्मेदवारको जमानत जफत हुने दाबी
ललितपुर । नेकपा एमाले ललितपुर जिल्लाका नेता सरोज सिंह डङ्गोलले पार्टी अध्यक्ष केपी शर्मा ओलीको राजनीति फागुन २१ गतेपछि पूर्ण रूपमा समाप्त हुने कडा चेतावनी दिएका छन्। एक अन्तर्वार्तामा डङ्गोलले ओलीको घृणित स्वभाव, तानाशाही सोच र चरम दम्भका कारण एमाले आज गहिरो राजनीतिक सङ्कटमा फस्दै गएको दाबी गरे। ललितपुर निर्वाचन क्षेत्र नम्बर २ का नेता डङ्गोलले हाल एमालेबाट जसरी पनि टिकट हात पारेका उम्मेदवारहरूलाई “ओलीका अन्ध समर्थक र दास”को संज्ञा दिँदै उनीहरूसँग जनताका सवालमा बोल्ने कुनै हैसियत नरहेको आरोप लगाए। उनका अनुसार ती उम्मेदवारहरू एजेन्डाविहीन छन् र चुनाव जित्ने नाममा केवल ओलीलाई शक्तिशाली बनाउने काममा मात्र सीमित छन्। डङ्गोलले ललितपुरका…
