ललितपुरको सन्देश

काठमाडौं । ललितपुर महानगरपालिकाका मेयर चिरिबाबु महर्जनले ललितपुर महानगरपालिकाको सबै संरचनाहरु अपाङ्गतामैत्री भएको बताएका छन् ।बुधबार ललितपुरमा आयोजित कार्यक्रममा उनले महानगरपालिकाले लगभग २३, २४ वटा वडा कार्यालय र धेरै वटा स्कुलहरु अपाङ्गतामैत्री बनाईसकेको बताए ।उनले भने, ‘अहिले हामीले ललितपुर महानगरपालिकाको जे जति संरचनाहरु बनाएका छौ । ती संरचनाहरु सबै नै अपाङ्गतामैत्री छ । हामीले लगभग २३, २४ वटा वडा कार्यालय बनायौं । त्यो सबै नै अपाङ्गतामैत्री छ । हामीले धेरै वटा स्कुलहरु बनायौं त्यो सबै पनि अपाङ्गतामैत्री छ ।’यस्तै, गत वर्ष अन्तर्राष्ट्रिय अपाङ्ग दिवसको अवसर पारेर अपाङ्ग भएका व्यक्तिहरुको लागि पाटन क्षेत्र अवलोकन पनि सहज बनाउने कार्य भएको उनले जानकारी…

ललितपुर । सूचना तथा सञ्चार मन्त्री जगदीश खरेलले आज ललितपुर महानगरपालिका–६ का विभिन्न ऐतिहासिक तथा सांस्कृतिक सम्पदा स्थलहरूको निरीक्षण तथा अवलोकन गर्नुभएको छ। निरीक्षणका क्रममा मन्त्री खरेलले विश्वप्रसिद्ध कलाकार तथा वास्तुकार अरनिकोको जन्मस्थल मानिने ओकुबहालको समेत अवलोकन गर्नुभयो। स्थानीय सरोकारवालासँगको भेटघाटमा मन्त्री खरेलले सम्पदाको संरक्षण, प्रवर्द्धन र व्यवस्थित व्यवस्थापन राज्यको प्राथमिकता भएको बताए। उहाँले मन्त्रालयको तर्फबाट आवश्यक सहयोग र समन्वय उपलब्ध गराउने प्रतिबद्धता व्यक्त गर्दै सम्पदा जोगाउन स्थानीय तह, समुदाय र सरकारबीच सुदृढ साझेदारी आवश्यक रहेको उल्लेख गर्नुभयो। निरीक्षणका क्रममा मन्त्री खरेलले ओकुबहाल तथा आसपासका सम्पदा क्षेत्रहरूको ऐतिहासिक महत्व, संरचनाको वर्तमान अवस्था तथा सम्भावित संरक्षण रणनीतिबारे सुझावहरू संकलन गर्नुभएको थियो।…

ललितपुर महानगरपालिकाले पाटन दरबार स्क्वायर क्षेत्रमा सवारी–निषेध अवधिको परीक्षण लागू गरेको छ। मङ्सिर १३ गते देखि लागू हुने यो व्यवस्था अन्तर्गत हरेक बुधबार र शनिबार दिउँसो १ः०० बजेदेखि ६ः०० बजेसम्म कुनै पनि सवारी साधनलाई क्षेत्रमा प्रवेश गर्न नपाइने महानगरले जनाएको छ। महानगरका मेयर चिरी बाबु महर्जनले जारी भिडियो सन्देशमार्फत यस पहलको उद्देश्यबारे जानकारी दिँदै ऐतिहासिक क्षेत्रलाई पैदल यात्रीमैत्री बनाउने, यातायात जाम कम गर्ने, र सम्पदा क्षेत्रको सौन्दर्य तथा अनुभवमा सुधार ल्याउने मुख्य लक्ष्य रहेको बताएका छन्। यस परीक्षणलाई सफल बनाउन महानगरले स्थानीयवासी, व्यवसायी तथा आगन्तुक सबैलाई सहकार्य र सहयोग गरिदिन अनुरोध गरेको छ। https://www.facebook.com/share/v/1EkUj8Bz7C/